မြန်မာ့လူမျိုး ဂုဏ်သိက္ခာ၊ မြန်မာ့ယဉ်ကျေးမှုနှင့် မြန်မာ့ရိုးရာသင်္ကြန်ကို ရုပ်ဆိုးစေတဲ့ သရုပ်ပျက်ဝတ်စားဆင်ယင်မှု၊ အဖော်အချွတ်၊ အရက်သေစာ သောက်စားမှုနှင့် မူးယစ်ဆေးဝါး။

မြန်မာ့လူမျိုး ဂုဏ်သိက္ခာ၊ မြန်မာ့ယဉ်ကျေးမှုနှင့် မြန်မာ့ရိုးရာသင်္ကြန်ကို ရုပ်ဆိုးစေတဲ့ သရုပ်ပျက်ဝတ်စားဆင်ယင်မှု၊ အဖော်အချွတ်၊ အရက်သေစာ သောက်စားမှုနှင့် မူးယစ်ဆေးဝါး။

(၁) သရုပ်ပျက် ၀တ်စားဆင်ယင်မှု။

သင်္ကြန်လည်တာ အတိုမဝတ်ပါနဲ့လို့လည်း မပြောပါဘူး၊ နေရာတကာ အမြဲ ထမီ (ထမိန်) ဝတ်ပြီး ပုဆိုးဝတ်ပြီး လည်ရမယ်လို့လည်း တစ်ခါမှ မပြောခဲ့ပါဘူး၊ အတိုဘဲ ဝတ်ဝတ်၊ ဂျင်းဘောင်းဘီနဲ့ဘဲ လည်လည် ဂါဝန်ဝတ်ချင်လဲဝတ် အတိုအကပ် ကြိုက်ရာ ညီမလေးတို့ ညီလေးတို့  နှစ်သက်တာ ဝတ်ပါ။ ဒါပေမဲ့ လုံလုံခြုံခြုံလေး ဖြစ်စေချင်တာ တစ်ခုတည်းပါကွဲ့။

ဈေးကွက်တင်လေလံရောင်းရအောင်က ကုန်ပစ္စည်းပြပွဲမှ မဟုတ်တာလေ။ အာသာငမ်းငမ်းကြည့်ချင်သူတွေက ဒါမျိုးမှ ခေတ်မီတယ်ဆိုကြမယ် နားမယောင်လိုက်ပါနဲ့ သူတို့နှုတ်ခမ်းဖျားက ယိုစီးကျနေတဲ့ သွားရည်စက်တွေ အထူးသဖြင့် ညီမလေးတို့ မြင်အောင်ကြည့်နိုင်ကြပါစေ။

မြန်မာသင်္ကြန်အခါသမယသည် - အထူးသဖြင့် ( အမျိုးသမီးများ ) မိမိခန္ဓာကိုယ်ကို ဈေးကွက်တင် လေလံဆွဲရန် ကြော်ငြာကြသော ဟိုအတန်းအစားပွဲတော်မျိုး မဟုတ်သည်ကို မြန်မာတစ်မျိုးသားလုံး သတိချပ်သင့်သည်။ နှစ်သစ်ကူးသင်္ကြန်ပွဲတော်သည် နှစ်ပေါင်း ထောင်ချီစွာ ဖြစ်တည်ခဲ့သည့် ဘာသာတရား၏ အရိပ်တွင် မှီတင်းသော ယဉ်ကျေးမှုရိုးရာအစဉ်အလာဖြင့် နှစ်သစ်ကို ကူးပြောင်းရသည့် အခါအခွင့်မျိုးသာ ဖြစ်သည်။

လွန်ခဲ့သော ဆယ်ခုနှစ်များမှစ၍ များစွာသော မြန်မာမိန်းမ၊ မြန်မာယောက်ျားတို့သည် အမျိုးဂုဏ်၊ ယဉ်ကျေးဂုဏ်ကို ပျက်ရယ်ပြု လစ်လျူရှုလာကြသည်။ တိုင်းတစ်ပါးမှ လူမျိုးခြားများ ၀င်ရောက်လာခြင်းနှင့် အနောက်တိုင်း အရှေ့ တိုင်း သရုပ်ပျက်ယဉ်ကျေးမှုများ၊ ဆိုရွားသော အမူအကျင့်များသည် ယဉ်ကျေး၍ ကိုယ်ကျင့်သိက္ခာကို တန်ဖိုးထားသော မြန်မာနိုင်ငံသို့ စီးဝင်ထိုးဖောက်ခံ ဖျက်ဆီးခံရသည်မှ စကာ၊ မြန်မာနိုင်ငံရှိ ပြည်ထောင်စုဖွား အမျိုးကောင်းသား၊ အမျိုးကောင်း သမီးတို့သည်လည်း မျိုးချစ်စိတ်၊ ယဉ်ကျေးစိတ်တို့ အရာတွင် ဆိုးရွားသော သဘောထားများ ဖြစ်တည်ပေါက်ဖွားလာတော့သည်။

တိုင်းတစ်ပါးယဉ်ကျေးမှုများမှ ကောင်းနိုးရာရာ သင့်တော်ရာတို့ကို အတုမယူပဲ၊ သူတို့နိုင်ငံတွင်ပင် အပျက်သဘော ၊ ချို့ယွင်းသောသဘောရှိသူတို့၏ အမူအကျင့်၊ ၀တ်စားဆင်ယဉ်ပုံများ မြန်မာတို့( အထူးသဖြင့် မြန်မာမိန်းကလေးတို့) တွင် ကူးစက်ပျံ့နှံ့ခံနေရသည်မှာ မြန်မာတစ်မျိုးသားလုံး အရှက်ကွဲ အကျိုးနည်းဖွယ်ရာသာ ဖြစ်ခြေသည်။

တိုင်းတစ်ပါးယဉ်ကျေးမှု လှိုင်းတံပိုးအာက်တွင် မြန်မာတို့နှစ်မြုပ်ခံလိုက်ရမည့် အရေးကို ကာကွယ်ရန်မှာ အမျိုးဂုဏ်၊ ဇာတိဂုတ်၊ ယဉ်ကျေးမှုဂုဏ်၊ စောင့်ထိန်းသော မြန်မာတို့၏ ပဓာန တာဝန်ကြီးတစ်ခုဖြစ်လာပြီကို မြန်မာတို့ သိနားလည်ထားရမည်။

(၂) အဖော်အချွတ်။

ဒါဟာ တစ်နှစ်ထက်တစ်နှစ် ပိုသောင်းကျန်းလာတဲ့ သင်္ကြန်မှာ ဖော်ချွတ်လာကြပုံတွေအကြောင်း ရှုံ့ချလိုတဲ့စာ မဟုတ်သလို အဲဒါကို ထောက်ခံရေးသားတဲ့စာလည်း မဟုတ်ပါဘူး။

အားလုံးသိကြတဲ့အတိုင်း ကျနော်တို့သင်္ကြန်ဟာ တစ်နှစ်ထက်တစ်နှစ် ပိုပိုဆိုးလာတာတော့ အမှန်ပါပဲ။ ဒီအတွက် ရှုံ့ချမယ်ဆိုရင် လွယ်ပါတယ်။ ပစ်ပစ်နှစ်နှစ် ရစရာမရှိအောင် ပြောပစ်လိုက်လို့ ရတာပါပဲ။
ဒါပေမဲ့ ကျနော်စဉ်းစားကြည့်တယ်။ ဒီလိုပြောနေရုံနဲ့ ဒီကိစ္စကြီးကို တားဆီးလို့ ရမှာလား။ ဒီအတွက် ဘာလုပ်ကြမလဲ။

ကျနော် အခုရေးချင်တာက အဲဒီကိစ္စကို တားဆီးနိုင်ဖို့ ဖြစ်ပါတယ်။

အကြမ်းဖျဉ်းစဉ်းစားကြည့်ရင်တော့ လွယ်ပါလိမ့်မယ်။ ဟာ ဒါများ ဘာခက်တာလိုက်လို့ ဒီလို မ၀တ်နဲ့ ၀တ်ရင် အပြစ်ပေးမယ် ဘာညာလုပ်လိုက်ပြီးတာပဲလို့ တွေးမိပါလိမ့်မယ်။ ဒါပေမဲ့ တစ်ခုလေးသတိပြုစေလိုတာက အရာရာကို ဟိုဟာမလုပ်ရ ဒီဟာမလုပ်ရ လိုက်ချုပ်ချယ်လွန်းရင် အာဏာရှင်စနစ်အောက် ကျနော်တို့တွေ ပြန်ရောက်သွားပါလိမ့်မယ်။

လိုအပ်တာက အားလုံးက လိုလိုချင်ချင်နဲ့ လိုက်နာလာစေဖို့ပါပဲ။

ကျနော် အရင်ဆုံးတစ်ခု ပြောကြည့်ပါမယ်။ ကျနော်တို့ တိုင်းပြည်ရဲ့ စိတ်အဆင့်အတန်းဟာ တဖြည်းဖြည်းနိမ့်ကျလာတယ် ... လို့ပြောရင် သင်လက်ခံမှာလား။ တကယ်လို့ အတင်းမျက်စိမှိတ် ငြင်းချင်တယ်ဆိုရင် ကျနော်ကတော့ ပြိုင်မငြင်းလိုတော့ပါ။ သင်္ကြန်နဲ့ ပတ်သက်တာလေးပဲ ပြန်သွားကြရအောင်။

တကယ်တော့ ခုလိုဖော်ချွတ်လာတာတွေဟာ သင်္ကြန်မှ မဟုတ်ပါဘူး။ တစ်နှစ်ထက်တစ်နှစ် တစ်ချိန်ထက် တစ်ချိန် ပိုပိုပြီးဆိုးလာတာ ကျိန်းသေပါပဲ။ သင်္ကြန်ကျမှ မူးကလည်း မူးနေ၊ မြူးကလဲ မြူးနေတော့ ပိုသိသာကုန်တော့တာပေါ့။ ကျနော်ကတော့ ဒီအတွက် အကြောင်းရင်း တစ်ခုအဖြစ် မြန်မာမိန်းကလေးတွေ Identity ပျောက်နေကြတဲ့ အဖြစ်ကိုပဲ အရင်ဆုံး အကြောင်းရင်းရှာပြချင်ပါတယ်။

လူဆိုတာက သူများထက် သာချင်တယ်။ အများကြားမှာ ပေါ်လွင်ထင်ရှားနေစေ့ချင်တတ်တယ် မဟုတ်လား။ ဒီအတွက် သူ့မှာ အများထက် သာလွန်ထူးခြားတဲ့ အရည်အချင်း မရှိတဲ့အခါ ဖော်ချွတ်တာတွေ ဖြစ်ကုန်တော့တာပေါ့။ ဒီတော့ဘာဖြစ်သလဲ? သူများဝိုင်းကြည့်တာ ခံရတယ်လေ။ ကောင်းသည်ဖြစ်စေ မကောင်းသည်ဖြစ်စေ သူက ဒါကို သာယာပါတယ်။

ကျနော်တစ်ချိန်က လူသတ်မှုတွေအကြောင်း လေ့လာဘူးတယ်။ လူတော်တော်များများဟာ လူသတ်မှုဖြစ်ရခြင်းမှာ ဘေးတွန်းအားလည်း အများကြီးပါတာကို တွေ့ရပါတယ်။ အများရှေ့မှာ ငါဟာ မိုက်တယ်ကွ၊ လူသတ်ရဲတယ်ကွ ဆိုတဲ့စိတ်တွေက သူတို့ကို နောက်ဆုတ်လို့ မရတဲ့ မပြန်လမ်းဆီ ပို့သွားတော့တာ။

အခု ဖော်ကြချွတ်ကြတဲ့ ကောင်မလေးတွေကလည်း ဒီအတိုင်းပါပဲ။ လူတွေ သူ့ကို ၀ိုင်းကြည့်ကြတဲ့အခါ ... ဟာ တယ်ဟုတ်တဲ့ ငါပါလား၊ လူတွေတောင် ၀ိုင်းကြည့်ကြတယ် ကြည့်စမ်းဆိုတဲ့ စိတ်ဓာတ်အခြေခံကနေ ဒီလိုမျိုးတွေ ပိုလုပ်ဖို့ တွန်းအားဖြစ်စေတယ်။ မိန်းကလေးဆိုတာကတော့ သူပိုင်တဲ့ အလှအပကို ဖော်ပြချင်တဲ့ စိတ်အခြေခံရှိတယ်လို့ ကျနော်ထင်ပါတယ်။ မိန်းကလေးတွေဟာ တင်အလှကို ဖေါ်ပြချင်တော့ ထမိန် စကတ်ကို ဒေါက်ထည့်ပြီး ၀တ်ကြတယ်။ ဒါပေမဲ့ အဲဒီလို ယဉ်ကျေးမွန်ရည်တဲ့ အလှဖော်ပြလိုခြင်းမျိုးနဲ့ပဲ ဆို ကောင်းတာပေါ့။

အခုက တရားလွန်တွေ ဖြစ်ကုန်တော့တာ။ တန်ဆေးလွန်ဘေးဆိုသလိုပါပဲ။ အလှကို ဖော်ပြလိုခြင်းနဲ့ ဟိရိသြတ္တပ္ပတရားကင်းမဲ့ခြင်းကြားက မျဉ်းဟာ တော်တော်လေး ပါးလျားပါတယ်။ ဒီအတွက် တားနိုင်တဲ့အရာတစ်ခုတော့ ရှိတယ်။ ဒီလို အလွန်အကျွံသရုပ်ပျက်လုပ်လာခြင်းကို သူ့ပတ်ဝန်းကျင် လူ့အဖွဲ့အစည်းတစ်ခုလုံးက အဆင့်အတန်းမရှိတဲ့အရာအဖြစ် ပုံဖော်သဘောထားကြဖို့ပါပဲ။

ဒီနေရာမှာ မိန်းကလေးချင်းရော ယောက်ျားလေးတွေရော လိုအပ်ပါတယ်။ ဒီလို မတော်မနှမ်းဝတ်ထားတဲ့ကောင်မလေးတစ်ယောက် မဏ္ဍပ်ပေါ်တက်လာတဲ့အခါ အနူကို တွေ့သလို မိန်းကလေးတွေက ရှဲကနဲဖြစ်သွားမယ်။ ယောက်ျားလေးတွေကလည်း သွားရည်ယိုတဲ့အကြည့်နဲ့ ကြည့်မနေပဲ ဘယ်လို အဆင့်အတန်းလဲ မသိဘူးလို့ နှာခေါင်းရှုံ့ မျက်နှာလွှဲလိုက်ကြမယ်ဆိုရင် ဒီလို ဘယ်သူမှ ၀တ်ရဲလိမ့်မယ် မဟုတ်ပါ။

နောက်တစ်ချက်က ကျနော်တို့ လူ့အဖွဲ့အစည်းကို ရှေ့ဆောင်ရှေ့ရွက်ပြုနေသူတွေနဲ့လဲ အတော်သက်ဆိုင်လိမ့်မယ် ထင်ပါတယ်။ လူငယ်တွေ အားကျအတုယူပြတဲ့သူတွေက ဘယ်လို ၀တ်ပြစားပြ နေပြထိုင်ပြလဲဆိုတာ အင်မတန်အရေးကြီးတယ်။ တနည်းပြောရရင် အနုပညာရှင်တွေပေါ့။ မင်းသမီးတွေက ဖော်ချွတ်ပြနေမှတော့ နောက်က ကောင်မလေးတွေ ဖော်ချွတ်ပြနေတာ ဘာဆန်းတော့မလဲ။

ဒီနေရာမှာ တစ်ခုလေးတော့ ဆွေးနွေးချင်ပါတယ်။ နာမည်ကြီး အကယ်ဒမီဒါရိုက်တာကြီးတစ်ယောက်က ကျနော့်ကို ပြောဘူးတယ်။ အခုခေတ်မင်းသမီးအသစ်တွေမှာ အနုပညာကို တကယ်စိတ်ဝင်စားတဲ့သူ အတော်နည်းသွားပြီတဲ့။ ဒါရိုက်တာကို ကုမ္ပဏီပိုင်ရှင်ကို မင်းသားကို လူပေးမယ် (ခန္ဓာကိုယ် ပေးမယ်)။ ဒါဆို မင်းသမီးဖြစ်ပြီလို့ ထင်နေသူတွေက များတယ်တဲ့။ အရင်က ဒေါ်ကြည်ကြည်ဌေးလည်း ပြောခဲ့ဘူးတယ်။ ခုခေတ်က အနုပညာရှင်တွေ မဟုတ်တော့ဘူး၊ အညုပညာရှင်တွေတဲ့။

ဒါကို ဘယ်လို တားဆီးကြမလဲ? ဒီမိုကရေစီခေတ်ဖြစ်လေတော့ လည်ပင်းစာဆွဲ ရင်ပြင်ထုတ်ဒါဏ်ပေးဆိုတာမျိုးတော့ မရဘူး။ အရေးကြီးတာက လူငယ်တွေ အားကျအတုယူသူတွေမှာ အပေါ်ယံ ဗဟိဒ္ဒ ရုပ်သွင်သာမက အတွင်း အဇ္ဖတအရည်အချင်းလည်း ရှိကြဖို့ ပျိုးထောင်ကြရပါမယ်။ ဒီအတွက်တော့ နိုင်ငံတော်ပိုင်းက အဓိက လိုအပ်လာပါပြီ။ အကယ်ဒမီလိုမျိုးကို အလှည့်ကျပေးနေတာမျိုး မလုပ်ပဲ ဒီနှစ်တော်သူ မရှိရင် ဘယ်သူမှ မပေးနဲ့။ တကယ်တော်သူကိုပဲ ပေးတာမျိုး။ အနုပညာသမားစစ်စစ်တွေ ထွက်ပေါ်လာစေရာ ကျောင်းကြီးတွေ ဖွင့်ပေးတာမျိုးလိုပါလိမ့်မယ်။ ပြောရရင်တော့ အများကြီးပါပဲ။ အဓိကကတော့ တိုင်းပြည်ချမ်းသာရင် ဒါတွေအတော်များများ အဆင်ပြေလာမယ်လို့ ထင်ပါတယ်။

နောက်ပြီး ကျနော်တို့ ရိုးရာယဉ်ကျေးမှုကို ထိန်းသိမ်းဖို့ကိစ္စမှာ အသိပညာပေးပုံလည်း အတော်လိုတယ်လို့ ထင်မိတယ်။ အခုတက္ကသိုလ်တွေမှာ မြန်မာဝတ်စုံကို အတင်းဝတ်ခိုင်းတယ်။ ကလေးတွေက ရိုးရာဝတ်စုံကို ချစ်လာရမယ့်အစား မုန်းတောင်သွားတော့တယ်။ တကယ်က လူငယ်တွေရဲ့ အသွေးထဲ အသားထဲမှာ ရိုးရာကို ချစ်မြတ်နိုးစိတ်ပေါ်အောင်လုပ်ရမှာ။

အဲဒီလိုမဖြစ်ဖြစ်အောင်ဆိုပြီး ဇွတ်အတင်းကြိမ်လုံးနဲ့ ကြိုက်ခိုင်းလို့ မရဘူး။ လာစမ်း သီချင်းကြီးတွေ နားထောင်နေ၊ အိပ်မငိုက်စေနဲ့လို့ လုပ်လို့ မရဘူး။ ရုပ်မြင်သံကြားမှာတော့ ကိုရီးယားမင်းသမီးတွေ ဖော်ချင်သလောက်ဖော် ချွတ်ချင်သလောက်ချွတ်ခိုင်းထားပြီး မြန်မာကားတွေကို ဘယ်လိုဝတ် ဘယ်လိုစားရမယ်လုပ်လို့ မရဘူး။ မသင့်တော်တာ အမြင်မတော်တာကို မလုပ်သင့်ဖူးဆိုတာကို သိနားအောင် ကြိုးစားပြောပြရမယ်။

(၃) အရက်သေစာသောက်စားမှုနှင့် မူးယစ်ဆေးဝါး သုံးစွဲမှု။

ဒီနေရာမှာ ကြုံတုန်းပြောရရင် အခု သင်္ကြန်လိုမျိုးမှာ မိန်းကလေးတွေ အရက်ကို ပေါ်ပေါ်တင်တင် ဖောဖောသီသီသောက်လာတာ နိုင်ငံခြားဇာတ်ကားတွေရဲ့ သြဇာ အများကြီးပါတယ်လို့ ထင်ပါတယ်။ သင်္ကြန်ဟာ အရက်ပွဲတော်ဖြစ်နေပါပြီ။ မိန်းကလေးတွေကတောင် ပေါ်ပေါ်တင်တင် ဖောဖောသီသီကြီး သောက်နေတယ်။ အဲဒါ နိုင်ငံခြားကားတွေရဲ့ သြဇာတော်တော်ကြီးပါတယ်လို့ ယူဆပါတယ်။ ဒါပေမဲ့ မြန်မာပြည်မှာ လူကြည့်အများဆုံးဖြစ်တဲ့ ရုပ်မြင်သံကြားဌာနတွေ ကိုယ်တိုင်က နိုင်ငံခြားယဉ်ကျေးမှုလွှမ်းမိုးအောင် တင်သွင်းနေခြင်းအပေါ် သဘောမတူပါ။ ကျနော်တို့နဲ့ ယဉ်ကျေးမှု မတူပါ။ ကြာရင် တိုင်းပြည်ပျက်ပါတော့မယ်။ ယခုဆိုရင် နိုင်ငံခြားကြောင့် မဟုတ်ဘဲ ပြည်တွင်းစီးပွားရေးအတ္တသမားကြီးတွေရဲ့ အရက်သေစာ ရောင်းချမှုကလည်း အဓိကဖြစ်နေပါတယ်။

အရက်သေစာသောက်သုံးခြင်းတင်မက မူးယစ်ဆေးဝါးတွေ သုံးစွဲကြတာပါ ပိုမိုဖြစ်လာနေပါတယ်။ သာမန်မူးယစ်ရဖို့ တင်မက လိင်ပိုင်းဆိုင်ရာ ပျော်ပါးရဖို့  အမျိုးသမီးကောင်း အမျိုးသားကောင်းတွေအပေါ် အခွင့်အရေးရယူကာ ဖျက်ဆီးဖို့ အထိပါ လုပ်ဆောင်နေကြပါတယ်။ ဒီမူးယစ်ဆေးဝါးရောင်းချဖြန့် ဖြူးချင်ဟာလည်း ရွှေသမင် ဘယ်ကထွက် မင်းကြီးတာကထွက်ဆိုတာလို အာဏာရှင်အုပ်စုနဲ့  စီးပွားရေးအတ္တသမားကြီးတွေဆီကပါဘဲ။

အရက်သေစာသောက်ပြီး ရမ်းကားသောင်းကျန်းမှုနဲ့  မူးယစ်ဆေးဝါသုံးစွဲပြီး အကျင့်ပျက်လုပ်ဆောင်မှုတွေကို တာဝန်ရှိသူတွေက ဥပဒေလမ်းကြောင်းအတိုင်း ထိထိရောက်ရောက် အရေးယူရမှာ ဖြစ်ပါတယ်။

မြန်မာ့ရိုးရာအတာသင်္ကြန်ရဲ့  ဂုဏ်သိက္ခာတွေ အမျိုးသားတစ်ရပ်လုံးရဲ့  ဂုဏ်သိက္ခာတွေ အမျိုးကောင်းသမီး အမျိုးကောင်းသားတို့ ရဲ့  ဘ၀အရှက်တွေကို ဖျက်ဆီးမယ့် အဓိကအကြောင်း (၄) ရပ်ကတော့ သရုပ်ပျက်ဝတ်စားဆင်ယင်မှု၊ အဖော်အချွတ်၊ အရက်သေစာနဲ့  မူးယစ်ဆေးးဝါးတို့ ဘဲ ဖြစ်ပါတယ်။